झेंड्यांची पेड दिवाळी करून
देशभक्तीची गाणी डॉल्बीवरून
येत सगळ्यांचे मन एकच दिवस उचंबळून
काही करतो का आपण स्वातंत्र्य मिळवून??
अच्छे दिन येतील म्हणून
मल्या च्या पलायन वर कानाडोळा करून
नव्या निवडणुकीला पुन्हा सामोरे जाऊन
काही करतो का आपण स्वातंत्र्य मिळवून??
गुन्हेगारी साठी धृतराष्ट्र बनून
आरक्षणांचा अश्र्वमेध खुला सोडून
एका नवीन गुलामगिरी चा रस्ता शोधून
काही करतो का आपण स्वातंत्र्य मिळवून??
जयदीप भोगले
१५ ऑगस्ट २०१७
No comments:
Post a Comment