असूया
असूया आणि प्रीती दोन मैत्रिणी
.
एक बागडे फुलासंगे एक
जणू ती काट्यावाणी
गाणे एकीच्या आयुष्यात तर एकीच्या डोळ्या सदैव पाणी
मोकळे आकाश महाल प्रीतीचा असूयेची हवेली सदा विराणी
कटू सत्य प्रीतीला भावे .खोट्या सुधेची असूया दिवाणी
प्रीती जगते मरतानाही . असूया जगुनी अश्मावानी
एक मनाला आरसा दावे एक म्हणते पहा चोरुनी
प्रीती हसत हलाहल पचवी . असूया मरते कट्यार घेउनी
जयदीप भोगले
