पंचिविशी ते गद्धेपंचिविशी भोवऱ्यात .....तुला पाहते रेl

सहासष्ट भाग झाले आज आणि मला वाटलं आता काहीतरी लिहायला हवंच ..
66 म्हणजे साधारण 3 महिने म्हणजे एक  क्वार्टर ( हे सगळं क्वार्टर च्या वेळी सुदधा चर्चित होतेय)
झी मराठी वर  तुला पाहते रे ही मालिका म्हणजे एक झंझावात झाली आहे.

गद्धेपंचिविशी ची प्रेमकथा पंचिविशी ते चाळीशीच्या चष्म्यातून कौतुकाने पाहिली जात आहे.
सगळ्या मालिका स्त्रीप्रधान असतात असं म्हटल जातं पण 377 कलम हटवल्याच्या  आनंदात म्हणून की काय ( जस्ट जोकिंग)  ही मालिका स्त्री आणि पुरुष पाहतायात  सुबोध भावेसाठी .

नवतारका गायत्री दातार( "सर" चा  गायत्री मंत्र म्हणणारी) व यांच्या मालिकेमधल्या प्रेमाबद्दल अनभिज्ञ असणारी अभिज्ञा... 'मायराजी" यांची कामं नक्कीच छान आहेत यात वाद नाही  पण मी जितक्या लोकांना विचारलं सगळे म्हणतात आम्ही ना
..सुबोध भावे ला बघण्यासाठी ही मालिका आवर्जून पाहतो.

प्रत्येक वयाची व स्त्री पुरुषांचं कारण वेगळं नक्कीच असेल पण जिव्हाळा मात्र सुबोध भावे साहेबांवर
माझी आई मध्येच सुरांचा ध्यास घायला लागली होती आता यालाच पाहते रे..

बायको टी वी वर न जाणारी झी 5 वर जाऊन न चुकता एपिसोड पाहतेय। रे आणि म्हणते मला... तू अचानक स्टबल लुक का ठेवतोयस?? ...😢😢

सॉफ्टवेअर कंपनी मध्ये काम करून हैराण असलेला माझा मित्र तुला पाहतो रे ..।( हे नेटफ्लिक्स वगैरे सब झूट है)
परवा बसल्यावर म्हणाला माझ्या बायकोने मला सांगितलं "तुम्ही जे न चुकता तुला पाहते रे पाहताय हे मला काही समजलं नाही ...40 नंतर तुम्हाला असलं काही जमेल किंवा अशी कोणीतरी मिळेल या भ्रमात राहू नका "
तो म्हणाला अंग पण मी त्याला पाहतो रे... बायकोनं कपाळाला हात मारला
मला कुणीतरी सांगीतलं होतं की माणसे कथेवर प्रेम करत नाहीत तर करतात त्यातील कॅरेक्टर वर  ..
ते ज्यात असत ते पाहिलं जातंच !!!!
तुम्ही म्हणाल ....काहीही हा श्री ..☺️

तर प्रत्येक पुरुषात दडलेला विक्रांत सरंजामे यातल्या कथेमध्ये आपली कथा मिसळत असतो .त्याच्यासारखी तिखट जाळं पावभाजी खात असतो तिखट चालत नसताना सुद्धा...
हे सगळं झी मराठी ला कसं काय जमतं देव जाणे ???
पण गोंडस श्री नंतर 40 चा विक्रांत सरंजामे सुद्धा लोकांचा ताईत बनतो हे म्हणजे मुरलेल  लोणचे असते तसं  नाही का ??
 "ओल्ड वाईन "हे म्हणावं का नाही याबद्दल मी बराच विचार केला पण पुन्हा 377 कलमा बद्दल विचार केला... (जस्ट जोकिंग)
उद्या काय होणार हे बघायला लोक मालिका पाहतात असं म्हणतात पण इथं तर उद्या वाट्टेल ते होऊ दे पण एकदा पाहायला पाहिजेच अस काहीतरी मिश्रण तयार होतय अस मला वाटतंय...
याची कथा ,यातील बाकी कलाकारांचा अभिनय, या बद्दल मला काही सांगायला नकोच.. ते झी मराठी म्हणजे छानच असतं..😊
पण हे सगळं लिहिलंय हे उत्तर शोधावं म्हणून की लोक तुलाच  का पाहतायत रे ??

जयदीप भोगले (सरंजामे समजू नये)☺️☺️
27 10 2018