फ्लॉवर्स आणि कॉलीफ्लॉवर

कॉलेज च्या गेटटूगेदर ला आल्या होत्या मुली
काही होत्या कधी फ्लॉवर आणि काही तर एकदम हॉट चिली
कुणी होतं चवळीची शेंग तर कोणी होती डेलिया
एक होती जाईसम तर कोण सोनचाफ्यागत सोनिया
पण आजचे सत्य गमतीचे होते
जुई झालीे कमळ आणि राज्य ढोभळी मिरचीचे होते
फ्लॉवर चा झाला होता कॉलिफ्लॉवर आणि अँकरिंग दुधी भोपळ्याचे होते
मग मी हळूच कॉलेजचा आरसा बघितला
माझा झालेला लाल आणि शेजारच्याचा चक्की भोपळा बघितला
सगळ्या आमच्या मैत्रिणी पण वजनात फक्त फरक होता
आता कोणी होते डॉक्टर तर कुणाला बिजनेस चा जाम उरक होता
मग मला कळाले भाज्यांची नावे जरी निराळी तरी सत्व एकदम झकास होते
मुलं झाली होती भोपळे पण त्यांच्या डोक्यात अजून सुद्धा बटाटेच होते

जयदीप भोगले
31 मे 2017

😀😀😀